Innlent

Fluttir á sjúkra­hús eftir hópslagsmál í mið­borginni

Jón Þór Stefánsson skrifar
Hópslagsmálin eru til rannsóknar lögreglu.
Hópslagsmálin eru til rannsóknar lögreglu. Vísir/Vilhelm

Tveir voru fluttir á slysadeild til aðhlynningar eftir hópslagsmál í miðbæ Reykjavíkur sem áttu sér stað í gærkvöldi eða nótt. Þetta kemur fram í dagbók lögreglunnar á höfuðborgarsvæðinu, en þar segir að málið sé í rannsókn.

Þar segir einnig frá umferðaróhappi sem átti sér líka stað í miðbænum. Þar missti ökumaður stjórn á bíl sínum sem endaði með því að hann ók á annan bíl, tré og á lokum á húsvegg. Fram kemur að engin slys hafi orðið á fólki, en að töluvert tjón hafi orðið.

Í Hafnarfirði fékk lögregla tilkynningu um tvo menn sem voru til ama, en þeir eru sagðir hafa verið að ógna vegfarendum. Mennirnir fundust og voru þá að róta í bíl að sögn lögreglu. Þeir voru handteknir og fluttir á lögreglustöð.

Greint er frá eldsvoða sem varð í ótilgreindu hverfi á höfuðborgarsvæðinu. Þar kviknaði eldur út frá kertum sem voru lögð við arinn. Að sögn lögreglu voru engar teljandi skemmdir og allir heilir á húfi.

Á öðrum ótilgreindum stað var lögreglu kynnt um tvo einstaklinga að hnupla úr söfnunargám. Þeir fundust í bíl skammt frá gámnum, en málið er í rannsókn.

Lögreglumál Reykjavík Næturlíf
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið